መንበረ ፓትርያርክ ቅድስተ ቅዱሳን ማርያም ገዳም

የምዕራብና የደቡብ አዲስ አበባ አህጉረ ስብከት ሊቀ ጳጳስ

ገነተ ጽጌ ቅ/ጊዮርጊስ

የምዕራብና የደቡብ አዲስ አበባ አህጉረ ስብከት ሊቀ ጳጳስ

ቦሌ ደብረ ሳሌም መድኃኔዓለም

የምዕራብና የደቡብ አዲስ አበባ አህጉረ ስብከት ሊቀ ጳጳስ

መንበረ ጸባዖት ቅድስት ስላሴ ካቴድራል

የምዕራብና የደቡብ አዲስ አበባ አህጉረ ስብከት ሊቀ ጳጳስ

ርዕሰ አድባራት መንበረ ፀሐይ እንጦጦ ማርያም

የምዕራብና የደቡብ አዲስ አበባ አህጉረ ስብከት ሊቀ ጳጳስ

ምስካየ ኅዙናን መድኃኔኃለም ገዳም

የምዕራብና የደቡብ አዲስ አበባ አህጉረ ስብከት ሊቀ ጳጳስ

ታዕካ ነገሥት በዓታ ለማርያም

የምዕራብና የደቡብ አዲስ አበባ አህጉረ ስብከት ሊቀ ጳጳስ

ደብረ ጽጌ ቅድስ ኡራኤል

የምዕራብና የደቡብ አዲስ አበባ አህጉረ ስብከት ሊቀ ጳጳስ

መንበረ መንግሥት ቅ/ገብርኤል ገዳም

የምዕራብና የደቡብ አዲስ አበባ አህጉረ ስብከት ሊቀ ጳጳስ

ደብረ ኃይል ራጉኤል

የምዕራብና የደቡብ አዲስ አበባ አህጉረ ስብከት ሊቀ ጳጳስ

http://addisababa.eotc-churches.org/site/components/com_gk2_photoslide/images/thumbm/590538kidste_mariam.jpg http://addisababa.eotc-churches.org/site/components/com_gk2_photoslide/images/thumbm/895720giorgis.jpg http://addisababa.eotc-churches.org/site/components/com_gk2_photoslide/images/thumbm/903816bole_medhaniealem.jpg http://addisababa.eotc-churches.org/site/components/com_gk2_photoslide/images/thumbm/683566trinity.jpg http://addisababa.eotc-churches.org/site/components/com_gk2_photoslide/images/thumbm/821897entoto_mariam.jpg http://addisababa.eotc-churches.org/site/components/com_gk2_photoslide/images/thumbm/310283meskaye_1.jpg http://addisababa.eotc-churches.org/site/components/com_gk2_photoslide/images/thumbm/904160BEATA_MARIAM.jpg http://addisababa.eotc-churches.org/site/components/com_gk2_photoslide/images/thumbm/578084urael.jpg http://addisababa.eotc-churches.org/site/components/com_gk2_photoslide/images/thumbm/812647gebrie_gedam.jpg http://addisababa.eotc-churches.org/site/components/com_gk2_photoslide/images/thumbm/681179raguel.jpg
የአዲስ አበባ ገዳማትና አድባራት የሥራ ኃላፊዎች በወቅታዊ ጉዳዮች ላይ በመወያየት ባለ 16 ነጥብ የአቋም መግለጫ አወጡ

810

ብፁዕ ወቅዱስ አቡነ ማትያስ ቀዳማዊ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለሃይማኖት፤ብፁዓን ሊቃነ ጳጳሳት፤የአዲስ አበባ ሀገረ ስብከት ዋና ሥራ አስኪያጅ ክቡር መ/ር ጎይቶኦም ያይኑ፤የሀገረ ስብከቱና የክፍለ ከተማ ኃላፊዎች  እንዲሁም የገዳማትና አድባራት አስተዳዳሪዎች በተገኙበት፣በቅዱስነታቸው ጸሎት የተከፈተው መርሐ ግብር በቤተክርስቲያናችን ብሎም በሐገራችን ወቅታዊ ሁኔታ ዙሪያ በመመካከር ሥራችንን እንፈትሽ፤አንድነታችንን እናጠናክር፤ቤተክርስቲያንችንን እንጠብቅና መብታችንን እናስከብር በሚል ሐሳብ የካቲት 8/2010 ዓ.ም በሀገረ ስብከቱ መሰብሰቢያ አዳራሽ ምክክር ተደርጓል፡፡

ቅዱስ ፓትርያርኩም፡- አሁን በሀገራችን ላይ እየተደረገ ያለው የሰላም ሁኔታ ከጊዜ ወደ ጊዜ እየከፋ እንዳይመጣ የጥፋቱ አሻራም ወደ ትውልድ እንዳይተላለፍ የእኛ የአገልጋዮች ድርሻ ከፍተኛ መሆኑንና ሁሉም ነገር በሥርዓትና በሕግ እንዲፈታ ጥረት ማድረግ እንደሚገባ አባታዊ መመሪያ ሰጥተዋል፡፡

በመቀጠል መምህር ጎይቶኦም ያይኑ የሀገረ ስብከታችን ዋና ሥራ አስኪያጅ ይህ ከባድና ጽኑዕ ተጠያቂነቱ መንታ (ሰማያዊና ምድራዊ) የሆነ የኃላፊነት ቀንበር ትክሻችን ከወጣ ዘንድ እንዴት መሥራት እንዳለብን፤ ምን ላይ እንደቆምን፤ አካባቢያችን ምን እንደሚመስል መቃኘት እንድንችል፣አሠራራችንን እንድንፈትሽ፤ አንድነታችንን እንድናጠናክር፤ መብታችንን እንድናስጠብቅ፤የሥራ አፈፃፀማችን ምን መምሰል እንደሚገባው  አሠራራችንን ለመፈተሽ ቀጣይነትና ተከታታይነት ያለው የውይይት መድረክ መክፈት፣መነጋገርና መወያየት ወቅቱ የሚጠይቀው ግዴታ መሆኑን፤የገንዘብ/ የሀብት ንብረት አያያዛችን ለሕዝብ ግልጽና ተአማኒ እንዲሆን፣የካህናትና የምእመናን ግንኙነት ጠንካራና ጤናማ መደማመጥና መከባበር የነገሠበት እንዲሆን አስተዳዳሪዎቻችን በየአጥቢያው በሚገኙ በካህናት፣ በምእመናንና ወጣቶች ዘንድ ያላቸው ተቀባይነት ወይም በጎ ተጽእኖ ፈጣሪነትን ለማሳደግ ብሎም የቤተ ክርስቲያኒቱ መዋቅራዊ አሠራር ተጠብቆ እንዲቀጥል በማድረግ ረገድ የዚህ ዓይነቱ ውይይት እንደሚኖር በዚህም መሠረት ምንም እንኳን ወቅቱ የጾምና የጸሎት ቢሆንም ጸሎትን ከሥራ ሥራን ከጸሎት ጋር እያጣመርን መጓዝ ስለሚገባን ያሉብንን ጉድለቶች በማረም ጠንካራ ጎናችንን ይበልጥ በማጎልበት በሚያስችል ሁኔታ ላይ በጥልቀት እንድንወያይ በሚል የተናገሩትን መነሻ በማድረግ ጥልቅ  ውይይት ከተደረገ በኋላ ተሰብሳቢዎቹ የሚከተለውን የአቋም መግለጫ አውጥተዋል፡፡ 

1.ከቅዱስ ሲኖዶስና ከቅዱስ አባታችን በሚሰጠን አንድ ወጥ መመሪያ መሠረት ለመሥራት አንድነታችንንና ሕብረታችንን አጠናክረን ቤተ ክርስቲያንና ሕዝብን ከችግር ለመጠበቅ የጠራውን እውነተኛይቱን የኦርቶዶክሳዊ ተዋህዶ ቤተክርስቲያን አስተምህሮ ለሕዝባችን በጠራ መንገድ ከወትሮው የበለጠ ለማስተማር ቃል ገብተናል፣ 

2.የክርስቶስ የማዳን ትምህርት ዘርና ጎሳን ሕዝብና አሕዛብን አንድ ያደረገ ወደ አንዲት ሰማያዊ መንግሥት የሚጠራ ትምህርት መሆኑን ስለ ምንረዳ በክርስቶስ ትምህርትና ከአባቶቻችን በወረስነው ትምህርት መሠረት ዓለም የሚገለገልበት የዘር የቀለም የጎሳ የቋንቋ ልዩነት የቤተ-ክርስቲያናችን መግለጫ ባለመሆኑ ልዩነትን አስወግደን እንደ ቤተክርስቲያን ሰው በፍቅር እየሠራን ምሳሌነታችንን በተግባር ለማረጋገጥ ቃል ገብተናል፡፡ 

3.በአደረግነው ጥብቅ ውይይትና ምክረ ሐሳብ ደረጃ በተስማማነውና በተማመነው መሠረት በአሁኑ ጊዜ የዚችን ታሪካዊትና ብሔራዊት ቤተ ክርስቲያን ነፋስ የማያወዛውዘው ማዕበል ሞገድ የማያናውጠው መዋቅሯን በመፈተን ረገድ ያልተለመደና  ክርስቲያናዊ ያልሆነ ፍጹም ኢትዮጵያዊነት ጠባይና ጠረን የሌለው እንግዳ ክስተቶች አልፎ አልፎም ቢሆን ምልክታቸው እየታየ በመሆኑ ምእመን አያያዛችን እጅግ የጠበቀ እንዲሆን፣ አዳዲስ እንግዳና ያልተለመደ ባዕዳን ድርጊቶች እየተከሰቱ ነው በተለይም በቅርቡ በደብረ ምጥማቅ ሰአሊተ ምህረት ቅድስት ማርያምና ቅ/ክርስቶስ ሰምራ ካቴድራል የአጥቢያ አባልነታቸው እንኳን በውል ባልታወቁ ግለሰቦች ስብስብ የተከሰተውን ችግርና አደጋ በጽኑ እንቃወማለን ለወደፊቱም ድርጊቱ በቅዱስ ሲኖዶስና በቅዱስነትዎ እንዲሁም በከተማ አስተዳደሩና በመንግሥት  በኩል ትኩረት ተሰቶ መንግሥት የቤተክርስቲያንን ህልውና በመጠበቅ ረገድ ባለበት ኃላፊነት መሠረት ችግሩ በሕግ አግባብ እንዲፈታ እንዲደረግልን እየጠየቅን ይችን ቤተክርስቲያን ከጥፋት ለማዳን በሚደረገው ርብርቦሽ ላይ ሁላችንም ከሀገረ ስብከቱና ከቅዱስነትዎ ጎን ለመቆም ቃል ገብተናል፡፡ 

4.በአንዳንድ ቦታ እየተከሰተ ያለው ሂደት የበለጠ ተግተን እንድንሠራና የማንቂያ ደወል እንደሆነ በመረዳት በቅድሚያ የእኛን አሠራር በሚገባ ፈትሸን ራሳችንንም እየፈተሸን በሥራ ሂደት የሚታዩ ክፍተቶች ካሉ እያረምን አጥፊዎችን በሕግ አግባብ ብቻ በማረም በሕገ-ወጥ አካሂድ የሚንቀሳቀሱ ክፍሎች ምንጫቸው ማን እንደሆነ ከየት እንደሆነ ማን እንደላካቸው በማጥናትና በመረዳት በሕግና በአሠራር ለመግታት ተስማምተናል፡፡ 

5.ስብከተ ወንጌል የእግዚአብሔር ሐሳብ ወደ ሰው ልጆች የሚደርስበት አመጸኛውን ትሁት ቀማኛውን መጽዋች የምናደርግበት የአገልግሎት ትልቁ ዘርፍ በመሆኑ የወንጌል አገልግሎታችንን ከወትሮው በበለጠ አጠናክረን በመቀጠል የተለየ አመለካከት ያላቸውን በእግዚአብሔር ቃል በማነጽ ከተሳሳተ መንገድ እንዲጠበቁ ለማድረግ ቃል ገብተናል፡፡ 

6.የሰንበት ት/ቤት ልጆቻችን በሃይማኖትና በመልካም ሥነ ምግባር ታንጸው የሚያድጉበት ቢሆንም በሚጠበቀው ዓላማ መሠረት እንዲሆን በአግባቡ ካልተያዘ ወጣቱ ትውልድ ለሠርጎ ገብ አስተሳሰብ ቅርብ በመሆኑ ይህን በመገንዘብ ወጣቱ ሃይማኖቱን እንደ አባቶቹ ሥልጣኔን እንደዘመኑ ይዞ ቤተክርስቲያንን እንዲያገለግል ከአፍራሽ አስተሳሰብ እንዲርቅ አባቶቹን የሚያከብር የሚከተል ቤተክርስቲያኒቱን ለመረከብ ብቁ የሆነ ትውልድ የማነጽ ኃላፊነታችን ለመወጣት ቃል ገብተናል፡፡ 

7.የተቀመጥንበት የኃላፊነት ወንበር ተራ ሳይሆን የቤተክርስቲያን ወንበር በመሆኑ ይህን ወንበር የማስከበር የማስጠበቅ ቤተክርስቲያን በክርስቶስ ትምህርት መሠረትነት የሠጠችንን መብትና ክብር ማስከበር አባቶቻችን አክብረውና አስከብረው እንዳስረከቡን ሁሉ እኛም አክብረንና አስከብረን ለትውልድ ለማስተላለፍ አሠራራችን እናራሳችንን ፈትሸን አጥፊን በመለየት በታማኝነትና በትጋት ለመሥራት ቃል እንገባለን፡

8.የቤተ ክርስቲያናችንን አስተዳደርና አሠራር እንከን የለሽ ለማድረግ የእርስ በርእስ አንድነት ተጎናጽፈን አጥፊ ሲገኝ ደግሞ ሀገረ ስብከቱ በጀመረው አግባብ በወቅቱ አጥፊዎችን ብቻ እጅግ በጥንቃቄ እየተለየ ሚዛናዊና ፍትሐዊ ውሳኔ እየተሰጠ በአንፃሩ የኃላፊዎችና ሠራተኞች ሹመትና ምደባ ብቃትን ጥራትን የሥራ ልምድን ፣ የሥነ-ምግባርን፣ አገልግሎትንና የሥራ አፈፃፀም ውጤትን ያገናዘበ እንደሆን አበክረን እንጠይቃለን፡፡ 

9.በአሁኑ ጊዜ እንደማንኛውም አስነዋሪ ተግባር ቤተክርስቲያንን እየፈተነ ያለው በክርስቶስ ትምህርት የሌለ አባቶቻችን ያላስተማሩን ያላስረከቡን አካባቢያዊ ጠባይና አመለካከት ከአሁኑ ካልተገታ ጥፋቱ ቀላል ስለማይሆን የክርስተናውንም ዓላማ የሚያናጋና የሚያደበዝዝ በመሆኑ ተምረናል አውቀናል ተራቀናል ካልን ከዚህ አስተሳሰብ ራሳችንን ነፃ አድርገን አርአያ ሆነን የምንመራውን ካህንና ሠራተኛም ነፃ ለማድረግ ይህንም በሥራ ለማሳየት ከልብ ተስማምተናል፡፡ 

10.በአንዳንድ አጥቢያ የሚኖሩ ግለሰቦች በቤተ ክርስቲያን ላይ እየተሰነዘረ ያለው ሕገ ወጥ እንቅስቃሴ የቤተ ክርስቲያናችንን ሉዓላዊነት የሚፈትን የግለሰቦቹንም ክርስትና ጥያቄ ውስጥ የሚያስገባ በመሆኑ አስተሳሰቡንና ድርጊቱን አጥብቀን እንቃወመዋለን በአንጻሩ መደማመጥ መከባበር እንዲሰፍን እንደሰለጠነ ትውልድ ክብር ይግባቸውና አባቶቻችን እንዳቆዩን መመካከር መወያየት በሐሳብ የማመንና የማሳመን ኢትዮጵያዊነት ባህላችንን አጠናክረን ለመቀጠል ተግተን ነቅተን ለመሥራት ቃል ገብተናል፡፡ 

11.ዛሬ እንደተወያየነው ሁሉ ደካማ ጎናችንን አርመን ጠንከራ ጎናችንን አጠናክረን በቤተ ክርስቲያኒቱ መመሪያ ቀኖናና ሥርዓት መሠረት ሠርተንና አሠርተን ራሳችንና ቤተክርስቲያናችንን ከችግር ለማዳን ጠንክረን ለመሥራት ቃል ገብተናል፡፡ 

12.ከአባቶቻችን የተረከብነውን የመሪነት አደራና ሓላፊነት ጠብቀንና አስጠብቀን ለትውልድ ለማስተላለፍ ቃል እንገባለን፡፡

13.አሁን ባለን የስብከተ ወንጌል ትምህርት ብቻ ሕዝቡን በትምህርት መድረስ አጥጋቢ ሰለማይሆን ካህናት ከቤተ-ክርስቲያን አገልግሎት፣ ከቅዳሴ፣ ከማህሌት ባሻገር ከምእመናን ጋር ያላቸው ግንኙነት ተጠናክሮ ባላቸው ዕውቀትና ተግባቦት ምእመናንን ቤት ለቤት በሰንበቴ በማህበር እንዲያስተምሩ ለማድረግ ተስማምተናል፡፡ 

14.ግለሰባዊ አመለካከት ትተን ተቋማዊ አስተሳሰብ ተጎናጽፈን በተሰጠን ሓላፊነት መሠረት ሕግንና መመሪያን መሠረት አድርገን ለመሥራት ተስማምተናል፡፡ 

15.አንድነታችንን አጠናክረን እራሳችንን ፈትሸን አሰራራችንን አስተካክለን የቅዱስ ሲኖዶስና የቅዱስነትዎን መመሪያ በመቀበል ቤተክርስቲያናችንን ለመምራትና አገልግለን ለማስገልገል በጽኑ ቃል እንገባለን፡፡

16.በሁለተኛው የውይይት መርሐ ግብር ላይ በስፋትና በጥልቀት በመወያየት ከቅዱስነታቸውና ከቅዱስ ሲኖዶስ መመሪያን እየተቀበለ ጉዳዩን የሚከታተል ኮሚቴ ለማቋቋም ተስማምተናል ፡፡

                                     የቅዱስነትዎ ቡራኬ ይድረሰን፡፡

 

 
ብፁዕ ወቅዱስ አቡነ ማትያስ ቀዳማዊ ፓትርያርክ የ2010 ዓ.ም ጾመ አርባአን አስመልክተው መልእክት አስተላለፉ

pp009

መልእክተ ቅዱስ ፓትርያር

በስመ አብ ወወልድ ወመንፈስ ቅዱስ አሐዱ አምላክ አሜን!!

በሀገር ውስጥና በውጭ ሀገር የምትኖሩ የኢትዮጵያ ኦርቶዶክስ ተዋሕዶ ቤተ ክርስቲያን ምእመናን ወምእመናት በሙሉ፣ መሐሪና ይቅር ባይ የሆነው እግዚአብሔር አምላካችን እንኳን ለሁለት ሺሕ ዐሥር ዓመተ ምሕረት የጾመ ኢየሱስ ሱባዔ በሰላም አደረሳችሁ!!

ቀድሱ ጾመ ወስብኩ ምህላ ጾምን ለዩ ምህላንም አውጁ፣ (ኢዩ 2፤15)

ሁሉን ያስገኘ ፣ ሁሉንም ባርኮ ለፍጥረቱ ያደለ ፣ የምሕረትና የበረከት አምላክ እግዚአብሔር፣ ለፍጥረቱ ምግብ የሚሆን ፍሬ  በረከትን በየዓይነቱ በምልአት እንደሰጠ ዓይናችን ያያል፣ እጃችን ይዳስሳል፣ ኅሊናችንም ያውቃል፡፡ እግዚአብሔር ተንቀሳቃሽ የሆኑትን ሕያዋን ፍጥረታት ወደ ህልውና ከማምጣቱ በፊት ለኑሮ የሚያስፈልጋቸውን ሁሉ በገጸ ምድር ፣ በከርሠ ምድር፣ በዐውደ ምድርና በጠፈረ ሰማይ አስቀድሞ ፈጥሮአል ፤ እግዚአብሔር ሕያዋን ፍጥረታትን በምድር ላይ ከፈጠረ በኋላ ለፍጥረታቱ እነሆ ይህንን ሁሉ ሰጥቻችኋለሁ ፣ ብሉ፣ ብሎ ባርኮ ሰጥቶአቸዋል፣ ከዚህም ጋር መጥኖ መመገብ፣ የሚጠቅመውንና የማይጠ ቅመውን ለይቶ መጠቀም እንደሚያስፈልግ አሳው ቆአል ፡፡

ይሁን እንጂ ፍጡራን በተለይም ሰዎች ይህንን ትእዛዘ እግዚአብሔር ባለመጠበቃቸው ለውድቀት መዳረጋቸውን መጽሐፍ ቅዱስ ያስረዳል፡፡ እግር የተፈጠረው ለመራመድ ነው ተብሎ በገደልና በባህር በእግር መራመድ እንደማይቻል ሁሉ ሆድ የተፈጠረው ለመብላት ነው ብሎ ሁሉን፣ አግበስብሶ መብላት ከጥቅሙ ይልቅ ጉዳቱ እንደሚበልጥ በስካር፣ በአደንዛዥ ዕፅ፣ በመቃምና በማጤስ በተሸነፉ ወገኖች የሚታየው የሕይወት ምስቅልቅልና የኢኮኖሚ መቃወስ አፍ አውጥቶ የሚመሰክር ማስረጃ ነው፤ ሰው ይቅርና እንስሳት እንኳ ከመጠን በላይ ከተመገቡ ብዙ ጉዳት ይደርስባቸዋል፤ በሌላም ላይ ያልተጠበቀ ጉዳት ያደርሳሉ፤ በመሆኑም ሰዎች ከጉዳት፣ ከስሕተትና ከውድቀት ይድኑ ዘንድ የማይጠቅመውን መተው፣ የሚጠቅመውንም መጥኖ መመገብ አስፈላጊ መሆኑ ከማንም የተሠወረ አይደለም፣ ለዚህም ተመራጩ ዘዴ ጾምን መጾም እንደሆነ በተግባር የሚታይ ነው፤ መጥኖ መመገብ ሰውን ወደ ትዕግሥት፣ ወደ ማስተዋል፣ ወደ ዕለታዊ የግልተግባር፣ወደመቻቻል፣ ወደርኅራኄ፣ ወደ ሰላምና ወደ ፍቅር፣ ፈጣሪንና ሕጉን ወደማሰብ ይገፋፋል፣ ሰው መጥኖ በተመገበና በጠጣ ቊጥር በብዙ መልኩ ከግብረ ኃጢአት ባርነት ነጻ የመውጣት ዕድሉ ሰፊ ነው፣ በተጨማሪም መንፈሳዊ፣ ሞራላዊ ፣ ማኅበራዊና ኢኮኖሚያዊ ኃይልን ከፍ የማድረጉ ጉዳይ፣ እንደዚሁም ጤንነቱን ከበሽታ የመከላከል ዓቅም ከፍ እንደሚል የጤና ባለሙያዎች ይመሰክራሉ፤ ስለሆነም ጾም  ከሃይማኖታዊ ጥቅሙ ባሻገር  ለሰው ልጅ የተሟላ ጤንነት ያለው ጠቀሜታ ከፍ ያለ እንደሆነ እናስተ ውላለን፡፡

ጌታችንም በመዋዕለ ጾሙ ያስተማረን ይኸው ነው፤ እሱ ዓርባ ቀንና ዓርባ ሌሊት ጹሞ በተራበ ጊዜ ፈታኙ ጠላት በተለመደ መሣሪያው በምግብ በማስጎምጀት ሊፈትነው ሲሞክር ከፍ ባለ ሞራላዊና መንፈሳዊ አቋም ሰው በእግዚአብሔር ቃል እንጂ በእንጀራ ብቻ አይኖርም ብሎ ሐሳቡን ውድቅ በማድረግ አሳፍሮ መልሶታል፡፡ ጌታችን በዚህ አምላካዊ ትምህርቱ ዲያብሎስንና የጥፋት መሠሪያዎቹን ሁሉ መመከት የሚቻለው በምግብ ኃይል ሳይሆን በጾም ኃይል መሆኑን በተግባርም በትምህርትም አሳይቶናል ፡፡

ከዚህም የተነሣ ክርስቶሳዊትና ሐዋርያዊት ቤተ ክርስቲያናችን ከክርስቶስ ባገኘችው ትምህርት የጾም ወቅቶችን ለይታ ጸሎተ ምህላን በማድረስ ፣ መጥኖ በመመገብ ፣ ለግብረ ኃጢአት የሚያነ ሣሡና ወደጥፋት የሚገፋፉ ምግቦችን በመተው፣ ጾምን፣ ጸሎትን፣ምህላን፣ ምፅዋትን፣ ምሕረትን ፣ ይቅርታን፣ ለእግዚአብሔር መታዘዝን ፣ መደበኛ ተግባር አድርጋ ሰባቱን አጽዋማት በየዓመቱ ትጾማለች ፤ በዚህም ወደፈጣሪዋ ወደ እግዚአብሔር በምታቀርበው ጸሎት ፣ አምልኮና ስግደት የእግዚ አብሔር በረከትና ጥበቃ እየታደጋት በአንድነትዋ፣ በነጻነትዋና በገናናነትዋ ጸንታ ለሦስት ሺሕ ዘመናት ዘልቃለች ፡፡

የተወደዳችሁ የመንፈስ ቅዱስ ልጆቻችን ምእመናንና ምእመናት

ወርኃ ጾም መንፈሳዊ ኃይላችንን የምናጎ ለብትበት፣የፈቃደ ሥጋ ውጤቶች የሆኑ ጥልን፣ መለያየትን፣ የርስ በርስ መጠራጠርን የምናደክምበት፣ብሎም መንግለን የምንጥልበት፣ በአንጻሩም የመንፈስ ቅዱስ ፍሬዎች የሆኑ ሰላምን፣ ፍቅርን፣ አንድነትን፣ ይቅር ይቅር መባባልን፣ አርቆ ማየትን የምንለማመድበት፣ ስለጥቃቅን ጊዜያዊ ችግሮች ሳይሆን፣ ስለሃይማኖትና ስለሀገራዊ ዘላቂ ጥቅሞች አብዝተን የምናስብበትና መፍትሔ የምናበጅበት ጊዜ ነው፤ እንደሚታወቀው በአሁኑ ጊዜ ለሀገራችን አንድነት ፈተና፣ ለሕዝባችን ልማትና ብልፅግና እንቅፋት ሊሆኑ የሚችሉ ግጭቶች በተደጋጋሚ እየተከሠቱ ብዙ ወገኖች ሀብታቸው፣ ንብረታቸው ከሁሉ በላይ ደግሞ መተኪያ የሌለው ሕይወታቸው ጉዳት እየደረሰበት ነው፤ እንደዚህ ያለው ድርጊት የክርስቶስ ወንጌለ ሰላም ለሁለት ሺሕ ዘመናት ያለመቋረጥ በተሰበከባት በኢትዮጵያ ምድር መከሠቱ ከሃይማኖታችን ዕድሜ ጠገብ ጸጋ ጋር የማይሄድ ነው፣ ከሁሉ በላይ ደግሞ አሳዛኝ ድርጊቱ እየተፈጸመ ያለ  በራስ ወገን ላይ መሆኑ እጅግ የሚያሳፍር ነው፡፡ እየጎዳም ያለው ራሳችንን ነው፤ የሚወድመው ንብረትም፣ የሚጠፋው ሕይወትም የእኛው የራሳችን ነው ፤ እነዚህ ጎጂ ድርጊቶች በፍጥነት ካላረምናቸው ባለፉት የሰላምና የልማት ዓመታት የታዩት ተስፋዎች እንደገና እንዲጨልሙና የኋልዮሽ እንድንጓዝ የሚያደርጉን አደገኛ አዝማሚያዎች ናቸው፣ 

በመሆኑም መላው ሕዝባችን በተለይም ወጣት ልጆቻችን በዚህ ቅዱስ ወርኃ ጾም ወደ ልባችሁ መለስ በሉና ነገሮችን በአርቆ አስተዋይነትና አእምሮን በማስፋት ተመልከቷቸው፣ እየተከሠቱ ያሉ ስሕተቶች የምንወዳት ኢትዮጵያን ይጎዱ እንደሆነ እንጂ በምንም ተአምር አይጠቅሟትም ፤ ስለሆነም የችግሩን ጉዳት በማገናዘብ በየአካባቢው ያላችሁ የሃይማኖት መሪዎችና የሀገር ሽማግሌዎች በአጠቃላይ፣ ሕዝባችን ተደጋጋሚ ስሕተቶችን በመፈጸም ወገንንና ሀገርን እንዳይጎዳ በዚህ ቅዱስ የጾም ወቅት የሰላም አጀንዳን ዕለታዊ ሥራ አድርጋችሁ ወጣቱን ትውልድና ሕዝቡን እንድትመክሩ፣ እንድታስተምሩ ቤተክርስቲያናችን  በእግዚአብሔር ስም ጥሪዋንታስተ ላልፋለች፡፡

በ መ ጨ ረ ሻ ም

መላ ኢትዮጵያውያን በተለይም ሕዝበ ክርስቲያኑ ይህ ጾም ለእግዚአብሔር የተቀደሰ ወይም የተለየ ጊዜ እንደመሆኑ መጠን የተራበውን በማጉረስ፣የተራቆተውን በማልበስ፣ የተጠማውን በማረስረስ፣ በኅብረተሰቡ ሰላምን፣ ፍቅርን፣ መቻቻልንና ይቅር ይቅር መባባልን  በማንገሥ፣ጾሙን ልዩ የይቅርታ ጊዜ አድርገን እንድንቀበለውና እንድንጾመው፣ ካህናቱም ስለ ሀገር አንድነትና ስለሕዝብ ሰላም እያሰባችሁ በየቤ ተክርስቲያኑ ጸሎቱንና ምህላውን በኃዘን ወደ እግዚአብሔር እንድታቀርቡ አባታዊ መልእክ ታችንን በእግዚአብሔር ስም እናስተላልፋለን፡፡

እግዚአብሔር የይቅርታ ጾም ያድርግልን

የኢትዮጵያ ሰላምና አንድነት ያጽናልን

‹‹ወስብሐት ለእግዚአብሔር››

አሜን

አባ ማትያስ ቀዳማዊ

ፓትርያርክ ርእሰ ሊቃነ ጳጳሳት ዘኢትዮጵያ

ሊቀ ጳጳስ ዘአክሱም ወእጨጌ ዘመንበረ ተክለ ሃይማኖት፤

የካቲት 5 ቀን 2010 ዓ.ም

አዲስ አበባ ኢትዮጵያ

 

 

 

 

 
የአንጋፋው የቅድስት ሥላሴ መንፈሳዊ ኮሌጅ ሁለገብ ሕንፃ ተመረቀ

                                                                                                 በመ/ር ዘሩ ብርሃኔ(MA)

4402

ኮሌጁ ያስገነባው እጅግ ዘመናዊ ሁለገብ ሕንፃ ብፁዕ ወቅዱስ አቡነ ማትያስ ቀዳማዊ ፓትርያርክ ርዕሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለ ሃይማኖት፣ ብፁዓን ሊቃነ ጳጳሳት፣የአዲስ አበባ ሀገረ ስብከት ዋና ሥራ አስከያጅ መምህር ጎይትኦም ያይኑ እና የዋና ክፍል ኃላፊዎች፣ የአዲስ አበባ ገዳማትና አድባራት አስተዳዳሪዎች ፣በርካታ ሊቃውንተ ቤተ ክርስቲያን፣ ጥሪ የተደረገላቸው እንግዶችና የኮሌጁ ማኅበረ ሰብ በተገኙበት ጥር 26/2010ዓ.ም በታላቅ ምንፈሳዊ ሥነ ሥርዓትና እጅግ ባማረ ሁኔታ በቅዱስነታቸው ፀሎተ ቡራኬ ተመርቋል፡፡

በዚሁ እለት ቅዱስነታቸው በዶ/ር ብፁዕ አቡነ ጢሞቴዎስ የኮሌጁ የበላይ ኃላፊና በመ/ር ግርማ ባቱ የኮሌጁ ምክትል አካዳሚክ ዲን አማካኝነት በእለቱ የተመረቀውን አዲሱ ሁለገብ ሕንፃ ዞረው ጎብኝተዋል፡፡

የእለቱን መርሐ ግብር ብፁዕ ወቅዱስ አቡነ ማትያስ ቀዳማዊ ፓትርያርክ ርዕሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለ ሃይማኖት በፀሎት የከፈቱት ሲሆን የመንበረ ጸባዖት ቅድስት ሥላሴ ካቴድራል ካህናትም ፀሎተ ወንጌል አድርሰዋል፡፡

የልማት አባት የሆኑት ዶ/ር ብፁዕ አቡነ ጢሞቴዎስ የኮሌጁ የበላይ  ኃላፊ  የእንኳን ደህና መጣችሁ በማለት የመግቢያ ንግግር ያደረጉ ሲሆን መንፈሳዊ ኮሌጁ ከብዙ ውጣ ውረድ ለዚሁ እለት መድረሱ እግዚአብሔርን ካመሰገኑ በኋላ ለዚሁ ወርቃማ ሥራ ከፍተኛ አስተዋፅዖ ያደረጉ ቅዱስ ፓትርያርኩን፣ የኮሌጁ የቦርድ ሥራ አመራር፣የአዲስ አበባ ሀገረ ስብከት ጽ/ቤት፣ለሥራው ከፍተኛ ሙያዊ እገዛ ላደረጉ ባለሙያዎ እና ለኮሌጁ ማኅበረ ሰብ ከፍተኛ ምስጋና አቅርበዋል፡፡

ብፁእነታቸው የቅድስት ሥላሴ መንፈሳዊ ኮሌጅ የሃያ ዓመት እመርታ የህንፃ ምረቃ ልዩ እትም በሚል መጽሔት ባስተላለፉት መልእክት”ያቀዱት ሲሠምር የወጠኑት ሲሳካ የሚኖረው ደስታ ከቃላት ሁሉ በላይ ነው፤ይህ የሥራ ፍሬ የረጅም ጉዞና የአድካሚ ውጣ ውረድ ውጤት እንጅ በፍላጎት ብቻ የመጣ ቀላል ነገር አይደለም፤ለትልቅ ሥራ የሚነሳ ሰው የማይናውጥ የዓላማ ጽናት ያስፈልገዋል፤እንደ አንድ የትምህርት ተቅዋም ኮሌጃችን እየሄደበት ያለው የልማት ጎዳና በአጠቃላይ በቤተ ክርስቲያናችን ያለው የትምህርት ሥርጭት  ትርጉም ባለው መልኩ ያሳድገዋል”በማለት ሰፊ እና አስተማሪ የሆነ  መልእክት አስተላልፈዋል፡፡

000312

ከብፁእነታቸው በመቀጠል ስለ ሥራው አስመልከተው አጠቃላይ ሪፖርት ያቀረቡት የኮሌጁ ምክትል አካዳሚክ ዲን መ/ር ግርማ ባቱ ሲሆኑ  ” በዛሬው እለት ለምረቃ የበቃው ባለ4 ፎቅ ሁለገብ ግዙፍ ሕንፃ በነበሩት ተደራራቢ ችግሮች ለዚህ ይደርሳል ብሎ ማሰብ ከባድ የነበረ መሆኑን ገልፀው በኮሌጁ ቁርጠኝነትና ጽኑ ዓላማ ሁሉን አልፈን ለዚሁ ስኬት በቅተናል፤ይህ ስኬት የሕንፃ ግንባታ  አጠናቆ ለአገልግሎት ከማብቃት አንፃር የሚገለጽ ሳይሆን ለቤተ ክርስቲያናችን የሚያስፈልጋትን የትምህርት ተቋም ከማደራጀትና ከማሳደግ አንፃርም ዘርፈ ብዙ ትርጉም  ያለው ነው፤በዚሁ መሠረት ሕንፃው የተሠራበት ዓላማ 50% ለኮሌጁ ተጨማሪ ገቢ ሲሆን 50% ደግሞ ለመማር ማስተማር ሂደት የሚውል ነው ብለዋል፡፡ሕንፃው ለመጠናቀቅ 4 ዓመታት መውሰዱን ገልፀው ለዚሁ ታሪካዊ ሥራ እገዛ ያደረጉትን ሁሉ ምስጋና አቅርበዋል፡፡ባለፉት 4 ዓመታት ከግንባታው ጎን ለጎን ኮሌጁን ወደ ዩኒቨርስቲ ደረጃ ላማሸጋገር የሚያስችሉ ጥናቶች ሲከናወኑ መቆየታቸውን ጠቁመው በዚሁም መሠረት ቅድስት ሥላሴ ዩኒቨርስቲ በሚል ስያሜ በሥሩ 5 ኮሌጆች እንደሚኖሩ በሪፖርታቸው ገልፀዋል እነዚህም፡-

1.የትምህርተ መለኮት ኮሌጅ/College of Theology

2.የነገረ ሰበእና የማህበረሰብ ሳይንስ ኮሌጅ/ College of Social Science and Humanities and Fine Arts

3.ቅዱስ ያሬድ የፀዋትወ ዜማና የሥነ-ጥበብ ኮሌጅ/ St.Yared’s College of Hymnology

4.የሕዝብ አስተዳደር እና የሥራ አመራር ኮሌጅ/ College of Management & Public Administration

5.የኢትዮጵያ ጥናትና ምርምር ከፍተኛ ትምህርት ቤት/ School of Higher Education Studies መሆናቸውን ገልፀው የዚሁም ዓላማ ለቤተ ክርስቲያናችን ሁሉን አቀፍ አገልግሎት፣ዘርፈ ብዙ እውቀትና ክህሎት ይዘው የሚገኙ አገልጋዮችን ማበርከት  መሆኑን ገልፀው፤ይህን ለማሳካት እህታችን ከምትሆን ከሕንድ ኦርቶዶክስ ቤተ ክርስቲያን ጋር በተፈፀመ ስምምነት በታዋቂ ተቋምና ምሁራን የ3ኛ ዲግሪ/ዶክትሬት መርሐ ግብር መስጠት እንደሚጀመር በዚሁ ሪፖርታቸው አብስረዋል ፡፡”

በዚሁ እለት ለሥራው እጅግ ከፍተኛ አስተዋፅኦ ለደረጉ አባቶችና ወንደሞች የምስጋና ሽልማት የተሰጠ ሲሆን በኮሌጁ አማካኝነት፤ በሰሜን ሆቴል አቅራቢነት ጥሪ የተደረገላቸው እንግዶች ሁሉ በኮሌጁ አዲሱ ሕንፃ ምሳ ተጋብዘዋል ፡፡

በመጨረሻም በብፁዕ ወቅዱስ አቡነ ማትያስ ቀዳማዊ፣ ፓትርያርክ ርዕሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለ ሃይማኖት ትምህርትና ፀሎተ ቡራኬ የእለቱን መርሐ ግብር ተጠናቋል፡፡   

 

 
<< ጀምር < ወደኋላ 1 2 3 4 5 6 7 8 9 10 ወደፊት > መጨረሻ >>

ገጽ 1 ከ 110

አድራሻ

አዲስ አበባ ፤ ኢትዮጵያ

ኢ-ሜይል: aadioces@gmail.com

ድረ ገጹ ውስጥ ይፈልጉ

ሀሳበ ባሕር(የዘመን ቁጥር)

ባሕረ ሐሳብ የዘመን መቁጠሪያ

ግጻዌ